حنتوسه وننوسه

15.02.2017 | 11:14

1- حنتوسه وننوسه شافم جوز بحاره، نايمين يشخروا وداوشين كل الحارة، قالوا يلا نعمل فيهم فصل يحرمهم النوم، ويخليهم يسهروا اربعتاشر يوم، وحطوا برانيطهم فوق روسهم، ووقفوا بعيد يذاكروا دروسهم.

1

 

2- بهلول جاي من بعيد شاف البرانيط، قال لاخوه اسمع يا عبيط، آدي ننوسه وحنتوسه قاعدين، تعالى نغيظهم لانهم بنتين ملاعين، ونشقلبهم من على الكراسي، اخو قال له بس كده على عيني وراسي.

2

 

3- شدوا الكراسي قال عاملين ولاد ناصحين، ويبصم يلاقوا جوز بحاره من بلاد الصين، بهلول اتلبخ وبص لاخوه، وعرف ان البحارة ح يبهدلوه، و يجبوا اخرتهم من غير كلام، ويعملوا عنهم في البلد ركلام.

3

 

4- خدوا في وشهم وقالوا يا فكيك، والبحارة مسكوا في بعض وكل واحد يقول للتاني انا اوريك، ازاي تقلق نومي، وتنغص على يومي، وحنتوسه وننوسه لبسوا البرانيط وراحوا على بيتهم، وحكوا الحكاية لبنات حتتهم.

4


TAG: كرتون