فيس بوك الحياة.. بقلم: سامي حلياني

بفيس بوك الحياة ما بتدور عن اصدقاء بل عن اللايكات.. 
بفيس بوك الحياة ما بهمك الآراء والكومنتات بقدر عدد المجاملات..

بفيس البوك الحياة اذا بدك تعمل شير لشيء بتحاول تختار شخصية متميزة و تحكي عن اعمالها وتلصق هالشخصية فيك كقدوة إلك بدل ما تحاول تعيش حالك اللي ممكن تكون بعيدة عنها.. 
بفيس بوك الحياة معظم البوستات مسخرة عالواقع منكتب البوست قبل مانعيشه او نختبره لمجرد فكرة مسبقة عن تصورنا للشيء اللي شايفينه واللي ممكن نغيره 
بفيس بوك الحياة لبلوك ما ببيّن لرفيقك و ما بحسسه بشيء لأن النوايا بتبقى مسكّرة عكل شيء.. 
بفيس بوك الحياة بتعمل ريموف عأصغر غلطة و ما بتنتظر فرصة اعتذار و بتنسى كل القصة ..

بفيس بوك الحياة في ان لايك بس لازم تكون اوف لاين لتعملها لأن بتخاف تواجه فيها صاحبها ..
بفيس بوك الحياة بتفوت لتنفتح على المجتمع بتقوم بتدخل عبروفايلك و بتسكر الباب و بتنتظر مين كلمة آد .