رانيا يوسف تتحدث عن خلافها مع نادية الجندي

قالت الفنانة المصرية رانيا يوسف، إنها واجهت العديد من المشاكل في زيجاتها السابقة، دون أن يساندها أو يدعمها من أي شخص على حد تعبيرها.

وقالت يوسف خلال لقائها مع برنامج "العرافة": "اتجوزت الجوازة التانية والتالتة عشان خفت على سمعتي بعد طلاقي من مختار، وكان فيه ضغط من المجتمع عليا، وكنت بعمل حساب للمجتمع لكن دلوقتي لا".

وكشفت رانيا تفاصيل عن علاقتها بطليقها محمد مختار، قائلة: "نادية الجندي كانت بتوقع بيني وبين جوزي، ومش هتكلم في تفاصيل، مينفعش يبقى فيه خلاف أو طلاق ويبقى فيه تقويم عليا وعلى بناتي".

وتطرقت يوسف للحديث عن خلافها مع نادية الجندي، لافتة: "ربنا يعلم، بالنوايا والنفوش والأعمال، لما يبقى فيه حرب دايماً من تحت لتحت، أنا لما بحارب حد بحاربه في وجهه وبشكل مباشر، ومش بحاربها، احاربها ليه؟ لا هاخد أدوارها، وهي مش محتاجة تاخد ادواري".

وتابعت: "هي نجمة شباك بفلوسها، أنا مش من جمهورها ولا عمري هكون من جمهورها، مكنش فيه حد على الساحة غيرها هي ونبيلة عبيد وعادل امام، انا مش معترضة أنها نجمة شباك، نادية الجندي إلى حد ما عندها موهبة، بحب ليها الباطنية والرغبة".

وعن قضية المخدرات التي اتهمت بها، أوضحت يوسف: "أنا عارفة مين اللي حطلي الحشيش في العربية بس معرفتش أثبت، لأن العربية كانت في جراج، وهو معاه المفتاح، وأثبت أنه أخد العربية يعملها صيانة".  "يكفيني أن الناس كانت عارفة أني بريئة، ربنا رب قلوب ونوايا.. أنا لما اتجوزته كنت شايفاه ولد كويس أوي".

سيريانيوز