مساهمات القراء - شعر

هات القلم.. بقلم: سيد علي

18.03.2017 | 12:20

هات القلم 
وارسم علم 
ارسم شعب زي الصنم
 لا فعل ولا رد فعل زيه زي العدم

 

اللي يقولك اطاطي بس اعيش يا محترم
 اللي شعاره في الحياة كل من خاف سلم
 اللي سايب حقوقه وراضي بالالم 
وقابل الاهانه والذل والمهانه بمنتهى الكرم


وبكل حسن نية بيشيل الاسية وعلى قفاه بيتختم 
اللي عايش مطنش لا وكمان بيقلش وهو بيتظلم 
اللي راكن دماغه وفهمه انعدم 
ومن كتر المخدر مخه خلاص اتفرم


حتى من قلة كلامه صوته كمان اتكتم 
ويوم ما نادى بالعدالة راح ظلم 
وملامحه اتغيرت والمر على وشه اترسم 
فرط في خير بلاده لحد ما منه اتحرم


ويوم ما يعلى حسه او شيطانه يوزه يقطع صلة الرحم
 ودايما يشتم في اهله دول كفار و فلول و غنم 
وناسي انه منهم وباقيينله وباقيلهم 
ومن غيرهم هيكون لوحده وضهره هينقطم


وراجع تقولي ارض القمم 
وكمان حضارة تغيظ الامم 
يا ابو عقل ضلم 
هات القلم 
وشيل العلم


وعيش باقي حياتك تراجع ذكرياتك ويقتلك الندم 
ولا بلاش تعيش وكمان بلاش تراجع 
بس اختار اي خد هيتلطم
 هات القلم



TAG:

مصدر عسكري: ضحايا جراء اعتداء اسرائيلي على احد الابنية السكنية ومراب المحافظة بالقنيطرة

قال مصدر عسكري في الجيش النظامي يوم السبت ان الطيران الاسرائيلي استهدف بعدة صواريخ مرآب المحافظة واحد الأبنية السكنية في قنيطرة اسفرت عن سقوط قتلى, بالتزامن مع صد الجيش النظامي هجوما لجبهة النصرة في محيط مدينة البعث بالقنيطرة.

السيسي يصدق على اتفاقية لنقل السيادة على جزيرتي تيران وصنافير الى السعودية

قالت الحكومة المصرية يوم السبت إن الرئيس عبد الفتاح السيسي صدق على اتفاقية تعيين الحدود البحرية بين مصر والسعودية بعد موافقة مجلس النواب عليها, والتي تنقل السيادة على جزيرتي تيران وصنافير غير المأهولتين في البحر الأحمر إلى السعودية.